Utbygging av Kjørnes III i Sogndal kommune
| Rev. 17.10.2009 | 4. Manglande sikring |
| 1. Reguleringsplanar
og grunnavståing 2. Sal av Kjørnes III 3. Vatn og avlaup 5. Miljøkriminalitet 6. Hjortegjerde 7. Ulovleg vegbygging |
Bakgrunn
Den 4.12.2006 selde Sogndal
kommune Kjørnes III til eit uregistret firma utan å stille krav
om kompetanse til planlegging og bygging av veg- og VA-anlegg.
Utbygginga har strekt seg over fleire år med til dels store
ulemper og risiko for oppsitjarane i Kjørnesfeltet. Denne sida
viser eksempel på manglande sikring av høge fjellskjeringar,
djupe grøfter og bratte skråningar.
| Dette er hovudvegen for fotgjengarar
og syklistar mellom barnehagen og eksisterande bustadfelt
på Kjørnes. Dette er også ein populær turveg. Det manglar sikring heile vegen fram til undergang under rv. 5 Sogndal - Kaupanger. Alle murane krev godkjenning av Sogndal kommune etter reglane i Plan- og bygningslova. Delar av muren ligg på eit fundament av jord og må rivast! Dette er eit godt eksempel på inkompetanse og ansvarsfråskriving i alle ledd både hos utbyggjaren og Sogndal kommune. PBL § 93b. Ansvarlig søker og prosjekterende Pbl § 97. Kontroll med tiltak. Ansvarlig kontrollerende for prosjektering og utførelse |
|
| Ungar på sykkel kan få eit luftig
hopp ut av undergangen! Fallhøgda er over 10 meter. Den halvferdige husmuren i framgrunnen
må også sikrast eller rivast dersom byggjearbeidet
ikkje skal fullført innan rimeleg tid! |
|
| Utbyggjaren sette opp eit symbolsk
anleggsgjerde då gravinga starta for to år sidan. Sogndal kommune har lova å setje opp nytt hjortegjerde nedanfor feltet. Sjå brev av 18. mai 2007 |
|
| "Sognamur" Skråninga under riksveg 5 er sikra med ein provisorisk trevegg, som bergensarane kallar "sognamur". Ein "sognamur" med høgde over 0,5 meter, har liten eller ingen stabiliserande effekt i denne vegskråninga. Ei laus steinblokk er nok til å velte heile konstruksjonen ned på gangvegen. |
|
| Bak "sognamuren" ligg det
steinblokker på fleire tonn. Den største kviler på eit
110 mm plastrør. Har Sogndal kommune kontrollert og godkjent denne konstruksjonen? Er Statens vegvesen klar over at rv. 5 er undergraven og støttar seg på eit spinkelt plastrør? |
|
| Det er to år sidan arbeidet starta.
Har Sogndal kommune framdriftplan? Går vi mot ein ny vinter med fare for nye ras frå vegskråninga? Toler "Sognamuren" ein ny teleløysingsperiode? |
|
| Kummane i VA-anlegget er to meter
djupe. Har ikkje Sogndal kommune råd til å spandere
lokk? Kloakken renn langt der nede, men stikk ikkje nasen for djupt! Her luktar det av Sogndal kommune! |
|
| Her ligg steinane fint på rekkje og
rad, og minner om ein tørrmur. Men dette er ingen mur.
Steinane ligg som pynt på toppen av ei bratt
jordskråning utan forankring eller fundament. Uteområdet til barnehagen ligg nede til venstre. Det er høgt ned og behov for eit solid rekkverk før vinteren. |
|
| Nokre få passeringar med store bilar er nok til å sende desse steinane ned skråninga mot barnehagen! | |
| Utbyggjaren av Kjørnesfeltet har
drive med omlegging av dette krysset mot rv. 5 i over to
år! Det er stor trafikk til og frå barnehagen. Fotgjengarar og syklistar tek stor risiko! Det uferdige krysset er ei dødsfelle! Sogndal kommune har inngått avtale om å fjerne den farlege trafikkfella på den andre sida av riksvegen. Avtalen vart signert av ordføraren den 4. desember 2006. |
|
| Etter at denne sida kom på nettet,
stengde Sogndal kommune gangvegen mellom barnehagen og
Kjørnesfeltet med ein trestige. Her må ungane krype
under eller balansere på murkanten for å kome forbi! Alternativet er å krysse riksveg 5 i det uferdige krysset til Kjørnes III eller køyre ungane i bil mellom bustadfeltet og barnehagen. |
|
| 26. september 2009 Innbyggjarane på Kjørnes har venta tolmodig i to år på eit sikringsgjerde langs den kommunale gangvegen på toppen av denne fjellskjæringa. Kva ventar kommunen på? |
|
| 17. oktober 2009 Undergangen har kosta samfunnet fleire millionar kroner. Er det greitt at kommunen stengjer gangvegen i årevis?
|