Utbygging av Kjørnes III i Sogndal kommune

 

1. Reguleringsplanar og grunnavståing
2. Sal av Kjørnes III

3. Vatn og avlaup

4. Manglande sikring

5. Miljøkriminalitet

6. Hjortegjerde

7. Ulovleg vegbygging

Reguleringsplan for Kjørnes II og III i 1983

Reguleringsplanen for Kjørnesfeltet vart godkjend av Sogndal kommunestyre 19.12.1983 og stadfesta av Fylkesmannen den 2.10.1984. Eit utsnitt av planen er vist nedanfor.

I §4 i reguleringsføresegnene vart det m.a. stilt krav om landskapsplanar:

”For kvart felt skal det utarbeidast landskapsplan, der m.a. skøtsel av eksisterande vegetasjon samt nyplanting skal omhandlast. Dertil skal ein vise massedisponeringa innafor feltet. Landskapsmessig er områda mellom byggelinene og formålsgrensa som regel ein del av skjermsonene, og trea/vegetasjonen må handsamast på ein måte som ikkje øydelegg desse. (Sjå del 2 landskapsanalysen)”

Skjermsonene er markerte med ein mørk gråfarge på planutsnittet ovanfor. Byggelinene er viste med stipling rundt kvart felt. Minste breidda på normal skjermsone mellom byggjeline i felt R og jordbruksaral AE er om lag 10 meter.

 

Avtale om grunnavståing i 1986

Den 8. juli 1986 inngjekk Sogndal kommune avtale om grunnavståing. Avtalen er basert på den godkjende reguleringsplanen for Kjørnes II og III frå 1983 med ei  lita grensejustering slik at garasjen ved veg 15 blir liggjande innafor felt AE.

Avtalen inneheld m.a. detaljerte krav til Sogndal kommune om

 

Revisjon av reguleringsplan for Kjørnes III i 1997

Reguleringsplanen for Kjørnes III vart vedteken av Sogndal kommunestyre den 30.01.1997. Føremålet med endringa var å føre køyrevegen heilt ned til badeplassen i Vikane for å redusere trafikken på gamlevegen forbi Kjørnes camping. Reguleringsføresegnene vart endra, men stiller framleis fleire strenge krav til utbyggjaren som m.a.

  • ”Det skal føreliggja detaljert utbyggingsplan frå utbyggar for kvart enkelt delområde før byggeløyve vert gjeve”  (§2.4)
  • ”I felles grøntareal er det berre tillate å føreta tynning av skog og anna skjøtsel for å vedlikehalda skogen. Planutvalet skal godkjenna slikt arbeid.” (§2.11)
  • ”Eksisterande terreng og vegetasjon skal takast vare på i størst mogleg utstrekning. Ubygde område skal gjevast ei tiltalande form og behandling, og kan ikkje nyttast til lagring.” (§2.13)

Veg til badeplassen i Vikane

Reguleringsplanen viser ein køyrbar gangveg ned til badeplassen i Vikane. I samband med sal av Kjørnes III, gløymde Sogndal kommune å stille krav om at denne vegen skal fullførast. Det går heller ikkje fram av kontrakten at utbyggjaren har forplikta seg til å byggje denne vegen. Etter to års byggjetid, manglar framleis den siste delen av gangvegen nærast badeplassen.

Tilbake