 |
Mellom endepunkta på dei to skogsvegane som er innteikna på dette kartutsnittet frå www.sognekart.no, er det bygd ein 500 m lang turveg med bru over Krokelvi mellom Slinde og Nornes i Sogndal kommune. |
Det er naturleg vegetasjon i vegskråningane og mellom hjulspora.
Sjå artikkel og fotoserie frå bygginga i Sogn avis 31.08.2009!
I august 2009 var rådmann og politikarar i Sogndal så opptekne av å redusere breidda på turvegen i Eidet at dei gløymde at dette kunne få konsekvensar for andre turvegprosjekt i kommunen.
I saksframstillingar og møtereferat er det ingen synleg samanheng mellom dei to vegsakene sjølv om alle var klar over at bygginga gjekk føre seg samtidig og hadde same formål: Turveg.
Har styret i turlaget gått denne vegen?
I 2008 gav Kultur- og kyrkjedepartementet ut ei rettleiing om bygging av turvegar som byggjer på handboka "Stier, løyper og turveier" som vart utgjeven i samarbeid med Direktoratet for naturforvaltning i 1991.
Departementet meiner at turvegar bør ha ei breidde på minst 2,5 - 3,0 m. Klikk her for å opne departementet si rettleiing i ein ny glugge!
Sjå saksutgreiing og tilråding i sak nr. 00890/10:
Tilråding: Tvangsmulkt kr. 500,- pr dag
Vedlegg:
Brev frå Norane idrettslag av 25.04.2010
Brev frå Fylkesmannen i Sogn og fjordane av 16.08.2010
Brev frå Sogndal turlag av 1.07.2010
Spørsmålet om lovleg vegbreidda på turvegen i Norane, minner om ei tilsvarande sak i fjor. Den gongen melde ordførararen utbyggjaren til politiet med full støtte frå forvaltningsutvalet.
For ordføraren var det viktig med politimelding for å statuere eit eksempel og unngå liknande saker!
Sak nr. 79/09 i forvaltningsutvalet:
Vedtak: Tvangsmulkt kr. 1.000,- kroner pr. dag
På ein 4,0 m brei veg er det rikeleg plass til at to personbilar kan passere kvarandre utan å ta grøfta i bruk!
Alle var klar over at rådmannen opererte med altfor stor breidde på vegen, men i denne saka vart prinsippet viktigare enn sanninga!
Ordføraren svarte unnvikande på ein interpellasjon om saka på møte i Sogndal kommunestyre den 10.09.2009. (Journal nr. 08/1447). På møtet i kommunestyret gjekk representanten Liv Synnøve Bøyum hardt ut mot eigaren av vegen og forsvarte kravet om politimelding for å statuere eit eksempel!
Ingen av medlemmene i forvaltningsutvalet svarte på E-post med spørsmål om vegbreidda av 19.09.2009.
Dette er turvegen frå biletet ovanfor etter at vegen er ombygd til politisk korrekt breidde.
Ombygginga vart prosjektert av profesjonelle konsulentar etter detaljerte krav frå forvaltningsutvalet i Sogndal kommune.
Det er ingen utanom medlemmene i forvaltningsutvalet, som forstår kvar rådmannen fann den siste meteren!
I reguleringsføresegnene for Kjørnes II og III som vart stadfesta av Fylkesmannen den 2. oktober1984, står det m.a. dette i §9:
"Fellesareala skal vernast og kultiverast etter nærare fastsette reglar innafor råma av del 2, landskapsanalysen."
Kva meiner forvaltningsutvalet om den ulovlege vegbygginga som Sogndal kommune har utført?
Risikerer kommunen å få tilsendt eit krav om tvangsmulkt, eller meiner rådmannen (og forvaltningsutvalet) at Sogndal kommune står fritt til å bryte lover og reglar?
Dette arealet er regulert til bustadføremål, friområde og jordbruk med tilkomst frå eksisterande veg ved barnehagen. Bygging av ny tilkomstveg frå den kommunale vegen mellom Hagalandet og Vikane, er sjølvsagt ulovleg utan ny reguleringsplan!
Denne ulovlege vegfyllinga er over 20 meter brei, men rådmannen i Sogndal definerte dette som "grøft" for å unngå krava i reguleringsplanen!
Forvaltningsutvalet hadde sjølvsagt ingen motførestillingar til rådmannen si tolking av Plan- og bygningslova. Dermed er det vel fritt fram til å byggje fleire breie og høge grøfter i Sogndal kommune?
 |
 |
Sogn avis 12. desember 2009 Smart eller straffbart? Det må Fylkesmannen svare på! Kan Norane idrettslag grave ned eit lite plastrør i turvegen sin slik at vegen får endra status frå "ulovleg turveg" til ei fullt lovleg grøft? Kan Statkraft bruke rådmannen sin definisjon av grøft for å byggje ei brei grøft til koplingsanlegget på Skarsbøfjellet og unngå meir diskusjon om alternativet gjennom Øvstedalen? |
Vegen var nedlagd som offentleg veg i 1946 og er i dag ein av dei finaste turvegane i Sogndal kommune. Turgåarane set spesielt stor pris på det mjuke underlaget og håpar at vegen aldri blir øydelagd med asfalt!
No planlegg Sogndal kommune å asfaltere heile vegen med ei breidde på 3,0 m. Dette medfører at skogen må fjernast i ei sone på 5 m på begge sider av vegen for å unngå at fururøtene sprengjer opp asfalten. I denne saka brukar kommunen rettleiaren frå departementet som grunngjeving for at den effektive vegbreidda på turvegen må aukast til 3,0 m!
Er det rart at folk stiller spørsmål?
